Guppedantha Manasu Today జూన్ 25 ఎపిసోడ్: రిషి.. రంగాగా ఎందుకు మారాడు.. వసుధారికి దిమ్మతిరిగే ట్విస్ట్ (2024)

దాంతో రంగా.. ‘అబ్బా ఈ కొబ్బరి బొండం గురించి నాకు చెప్పకండి.. సేమ్ మీ రిషి సార్ కూడా.. ఇలాగే అంటారు కదా.. మీ ప్రవర్తన చూసినా.. మీమాటలు చూసినా ఎవరికైనా చిర్రెత్తుకొస్తుంది. ఆ రిషి సార్ ఎవరోకానీ మిమ్మల్ని భరించాడంటే అతనికి చేతులెత్తి దండం పెట్టొచ్చు. అతనికి అదృష్టం ఉంది కాబట్టే మీకు దూరం అయిపోయి ఉంటాడు.. మీరు పదే పదే ఈ సోది చెప్పి విసిగించి ఉంటాడు.. అందుకే ఈ సోది భరించలేకే పారిపోయి ఉంటాడు’ అంటూ వసుధార గాలి తీసేస్తాడు రంగా. అంటే అన్నాడూ కానీ.. వసుధార ప్రవర్తన చూస్తే అలాగే ఉంది మరి.

రంగా మాటలకు తన ఆయుధం బయటకు తీస్తుంది వసుధార. ఆయుధం కత్తో గొడ్డలో కాదు.. కన్నీళ్లు. ఏడ్వడం స్టార్ట్ చేస్తుంది. ఇక రంగా ఓదార్పు స్టార్ట్ చేస్తాడు. ‘మేడమ్ గారూ.. మేడమ్ గారూ.. నేను సరదాగా అన్నాను.. నా మాటలు మిమ్మల్ని నొప్పిస్తే నన్ను క్షమించండి’ అని అంటాడు. దాంతో వసుధార.. ‘నా రిషి సార్ కూడా ఇలాగే ఓదార్చేవారు’ అని అంటుంది. ఆ మాటతో రంగా.. ఎవరైనా ఏడుస్తుంటే ఓదార్చడం సహజం అండీ బాబూ.. ఎవరైనా అలాగే చేస్తారు. మీరు దాన్ని పట్టుకుని నన్ను మీ రిషి సార్ అని అనొద్దు ప్లీజ్’ అని అంటాడు రంగా.

ఇంతలో ఓ వ్యక్తి వచ్చి.. ‘ఏరా రంగా.. ఎవరు ఈ అమ్మాయి.. కొంపతీసి ప్రేమిస్తున్నావా ఏంటీ’ అని అడుగుతాడు. ఆ మాట వినగానే.. వసుధార మనసులో గంటలు టింగ్ టింగ్ మని మోగుతాయి. బ్యాగ్రౌండ్‌లో మ్యూజిక్ స్టార్ట్ అయిపోతుంది. రంగా అయితే.. ‘తెలిసిన అమ్మాయి అంతే.. ప్రేమ లేదూ ఏమీ లేదు’ అని అంటాడు. దాంతో వసుధార బుంగమూతి పెడుతుంది. ఫోన్ వస్తే.. మాట్లాడుతూ పక్కకి వెళ్లిపోతాడు రంగా. దాంతో ఆ వ్యక్తి వసుధారతో.. మా రంగా నీకు ఎలా తెలుసమ్మా అని అడుగుతాడు. నాకెలా తెలుసో పక్కనపెట్టండి.. అతను మీకు ఎంతకాలంగా తెలుసు? అని అడుగుతుంది.

ఇంతలో రంగా వచ్చి.. ‘ఏంటన్నో.. ఏదో చెప్తున్నావ్’ అని అంటాడు. ఏం లేదురా.. ఈ అమ్మాయి నీ గురించి అడుగుతుంటే చెప్తున్నాలే.. అని అంటాడు. దాంతో రంగా.. ‘ఏంటి మేడమ్ ఇదీ.. నేను మీ రిషి సార్‌ని కాదని చెప్తున్నా కూడా.. నా గురించి ఎంక్వైరీ చేస్తున్నారేంటి?? అని అడుగుతాడు. ‘లేదు సార్ మీరు నా రిషి సారే’ అని అంటుంది వసుధార. ‘నేను కాదని చెప్తుంటే వినరేంటి? మీ ప్రవర్తన నాకు అస్సలు నచ్చలేదు. మీరు నడుచుకుంటూ ఇంటికి రండి.. దారిలో కనిపించిన అందర్నీ ఎంక్వైరీ చేయండి.. అప్పుడైనా మీకు నిజం తెలుస్తుందేమో.. నేను నీ రిషిని కాదు రంగాని’ అని అంటూ ఆటో తీసుకుని వెళ్లిపోతాడు రంగా.

ఇంతలో మరొక ఆమె వచ్చి.. ‘ఏంటమ్మా మా రంగా వదిలేసి వెళ్లపోతున్నాడు? ఏమైంది? అని అడుగుతుంది. ‘మీకు రంగా తెలుసా? అని వసుధార అడగడంతో.. ‘రంగా తెలియకుండా ఉంటుందా? ఈ ఊరిలో ఎవర్ని అడిగినా మా రంగా గురించి చెప్తారు. చాలా మంచోడు.. బాబు బంగారం. నా కూతుర్ని నా తాగుబోతు భర్త పనికి పంపిస్తుంటే.. రంగా బాబు నా భర్తకి బుద్ది చెప్పి. నా కూతుర్ని చదివిస్తున్నాడు. అదేంటో తెలియదు కానీ.. రంగాకి చదువు అన్నా.. చదువుకునే పిల్లలు అన్నా రంగా బాబుకి చాలా ఇష్టం. నాకు తెలిసీ.. తను అంతగా చదువుకోకపోవడం వల్లేనేమో.

రంగా లాంటి గుణవంతుడ్ని ఇప్పటివరకూ చూడలేదు.ఇంతకీ నువ్వు ఎవరు? ఊర్లో కొత్తగా కనిపిస్తున్నావ్.. అని వసుధారని అడుగుతుంది ఆ మహిళ. దాంతో వసుధార.. ‘వాళ్ల ఇంట్లోకి వచ్చిన గెస్ట్‌ని’ అని అంటుంది. ‘అవునా.. రాధమ్మకి రంగా బాబు అంటే ప్రాణం’ అని అంటుంది ఆ మహిళ. ‘సరే రంగా మీకు ఎన్నాళ్లుగా తెలుసు’? అని అడుగుతుంది వసుధార. ‘నేను కాపురానికి వచ్చినప్పటి నుంచి తెలుసు.. చాలా ఏళ్లు అవుతుంది. నిన్ను చూస్తుంటే ఏదో కష్టంలో ఉన్నావని తెలుస్తుంది. నీకు ఏదైనా కష్టం ఉంటే రంగాకి చెప్పు.. వెంటనే తీరుస్తాడు’ అని అంటుంది ఆ మహిళ. దాంతో వసుధార.. ‘మీ పేరు మాత్రమే మారింది సార్.. మీరు చేసే పనులు మారలేదు. మీరే రిషి సార్’ అని ఫిక్స్ అయిపోతుంది వసుధార.

ఇక సరోజ.. పాండుతో పాటు రౌడీ గ్యాంగ్‌ని వెంటపెట్టుకుని వసుధార దగ్గరకు వస్తుంది. ఇదే కరెక్ట్ టైం.. బాక కూడా దీని పక్కన లేడు.. దీన్ని ఎవరూ కాపాడలేరు.. దాన్ని వీళ్లకి పట్టించేస్తా.. అదిగో మీకు కావాల్సిన అమ్మాయి.. తీసుకునిపోండి’ అని వసుధారని పాండుగాడికి అప్పగిస్తుంది. ఇక వసుధార ఒంటరిగా నడిచి వెళ్తుండగా.. రౌడీ గ్యాంగ్ ఆమెను కిడ్నాప్ చేయడానికి వెంబడిస్తుంటారు. వాళ్లు దగ్గరకు వచ్చేయడంతో.. వసుధార వాళ్లని చూసి పారిపోతుంటుంది. సరిగ్గా వసుధారని రౌడీలుపట్టుకునే టైంకి రిషి ఆటో వేసుకుని వస్తాడు.

మేడమ్ గారూ ఆటో ఎక్కండీ అని వసుధారని ఆటోలో ఎక్కించుకుని అక్కడ నుంచి ఎస్కేప్ అవుతాడు. ఇక రౌడీలు ఆటోని పట్టుకోవడానికి పరుగుతీస్తారు కానీ.. రంగా, వసుధారలు తప్పించుకుంటారు. ఇక ఆటో ఎక్కిన తరువాత వసుధార మళ్లీ స్టార్ట్ చేస్తుంది. ‘రిషీ సార్.. కోపం వచ్చినప్పుడు దారిలో దింపేయడం.. ఆపద వచ్చినప్పుడు కాపాడటం.. మా రిషి సార్ చేసే పని.. మీరు ఖచ్చితంగా మా రిషి సారే’ అని మరొకసారి ఫిక్స్ అయిపోతుంది వసుధార. ఇక సరోజ అయితే.. ఈరోజుతో దరిద్రం పోయింది. ఆ వసుధారని రౌడీలు ఎత్తుకునిపోతారు’ అని సంబరపడిపోతూ ఉంటుంది.

ఇంతలో రంగా.. వసుధారని తీసుకుని రావడంతో షాక్ అవుతుంది. రంగా వచ్చీ రాగానే.. సరోజపై మండిపడతాడు. ‘ఎందుకే మేడమ్ గారి గురించి ఆ రౌడీలకు చెప్పావ్’ అని నిలదీస్తాడు. ‘నేనేం చెప్పలేదు బావా’ అని అంటుంది సరోజ. ‘లేదు నువ్వు చెప్పావ్.. నువ్వు చెప్పండి నేను చూశాను.. నీకు అసలు మతి ఉండే ఈ పని చేశావా? నీకు అసలు బుద్ది ఉందా? మేడమ్ గారు.. మన ఇంట్లో ఉంటున్నారు.. ఆమెకి ఏదైనా జరిగితే మనదే బాధ్యత.. బుద్దిలేకుండా ప్రవర్తించకు’ అని ఫైర్ అవుతాడు రంగా. దాంతో సరోజ.. ‘ఏంటి బావా? తన కోసం నన్ను తిడుతున్నావ్ ఏంటి? నా భయం నాకు ఉంటుంది కదా’ అని అంటుంది.

ఏంటే నీ భయం..? మండిపడతాడు రంగా. ‘నీ మనసులో లేనిపోని అనుమానాలు పెట్టుకోకు.. నీకు సాయం చేయాలనిపిస్తే చెయ్.. తనకి తోడుగా ఉండు.. అంతే తప్ప తనపై అసూయ పెంచుకోకు.. ఇలాంటి పనులు చేయకు. మేడమ్ గారి విషయంలో ఇలాంటివి మళ్లీ రిపీట్ అయితే నేను చూస్తూ ఊరుకోను’ అని సరోజకి వార్నింగ్ ఇస్తాడు రంగా. ఇక రాధమ్మ కూడా.. రంగాకి వంతపాడి.. సరోజకి క్లాస్ పీకుతుంది. నీ మనవరాలికి అలా గడ్డిపెట్టు అని ఆవేశంగా అక్కడ నుంచి వెళ్లపోతాడు రంగా. దాంతో రాధమ్మ వసుధారతో.. ‘ఆ రౌడీలు నిన్ను ఎందుకు వెతుకుతున్నారు? నీ సమస్య ఏంటో మాకు తెలియదు కానీ.. నీ సమస్య తీరాకే నువ్వు ఇక్కడ నుంచి వెళ్లాలి.. అంత వరకూ నువ్వు ఇక్కడే ఉండు’ అని అంటుంది.

అసలు ఆమె సమస్య తీరడానికి ఆ ఇంట్లో ఉండటానికి అసలు కనెక్షనే లేదు కానీ.. వసుధార.. మళ్లీ మొదలుపెడుతుంది. ‘రిషీ సార్.. మీరు రంగా కాదు సార్.. ఖచ్చితంగా రిషి సారే.. కానీ మీరు ఎందుకు ఇలా చేస్తున్నారో అతి తొందరలోనే తెలుసుకోవాలి? తెలుసుకుంటాను.. అని అంటుంది వసుధార. వామ్మో వసుధార తెలుసుకోవడం అంటే ఆ కథ కంచికి వెళ్లినట్టే. రిషిని మూడు నెలల్లో తీసుకొస్తానని మంగమ్మ శపథాలు చేసింది.. ఆ తరువాత మను తండ్రి ఎవరో కనుక్కుంటా.. వాడి తాత ఎవరో కనుక్కుంటా అని శపథాలు చేసింది.. అవీ పక్కకిపోయాయ్. ఇప్పుడు రిషి రంగాగా ఎందుకు మారాడో తెలుసుకుంటానంటూ కొత్త తెలుసుకోవడం స్టార్ట్ చేసిందన్నమాట. అంతేకాదు 15 రోజుల్లో రంగానే రిషి అని నిరూపిస్తానని సరోజతో సవాల్ చేసింది. ఇక రంగానే రిషి అని గుర్తుపట్టేశాడు పాండు. ఆ వివరాలు ఈ కింది లింక్‌లో చూడొచ్చు. Read Also: రేయ్ వాడేరా ఈ కథకి హీరో రిషేంద్ర భూషణ్.. రంగానే రిషి.. పాండు గుర్తుపట్టేశాడు Read Also: ‘గుప్పెడంత మనసు’ జూన్ 25 ఎపిసోడ్: శౌర్య నా బాధ్యత దీపా.. దేవుడిలా వచ్చిన కార్తీక్ Read Also: ‘బ్రహ్మముడి’ జూన్ 25 ఎపిసోడ్: శోభనం గదిలో కావ్యకు తన మనసులో మాట చెప్పిన రాజ్.. ‘నాకు నువ్వు కావాలి కళావతీ.. ఐ లవ్యూ’!​